Ижевскайга ыытылла турар салгын саатынан ыытыыга Россияҕа Бастыыр иһин күрэхтэһиини өрөспүүбүлүкэ хамаандата ситиһиилээхтик саҕалаата.
Кыргыттарга хамаанданан бэстилиэт көрүҥэр Катерина Александрова, Виктория Ераскумова, Айыына Готовцева кыһыл көмүс мэтээли ылары ситистилэр.
Бэрдьигэстээххэ Олимпийскай эрэллэри бэлэмниир өрөспүүбүлүкэтээҕи спортивнай оскуола иитиллээччитэ Катерина Александрова хамаанда инники күөҥҥэ тахсарыгар бэйэтин кылаатын киллэрсибитинэн киэн туттабыт.
Афанасий Осипов аатынан оскуола VIII кылааһын үөрэнээччитэ, Маҥаныттан кэлэн, иккис сылын тренер Герасим Дьяконовка дьарыктанар.
Вячеслав Алексеев