Сыл аайы үгэс быһыытынан Маҥаныга тэрилтэлэр биир сүбэнэн үллэстэн, соҕотох олорор кырдьаҕас, аҕам саастаах дьоҥҥо, СВО-ҕа сылдьар уолаттарбыт төрөппүттэригэр субуотунньук көмөтүнэн муус ылан, тиэйэн киллэрэбит.
Сэтинньи 6 күнүгэр нэһилиэкпит эр дьоно Эбэҕэ тахсан, күргүөмүнэн үлэҕэ кыттыстылар. Бу күн уопсайа 13 ыалга муус ылылынна. Тырахтарыыстар Петр Степанов уонна Альберт Степанов тутатына тиэйэн киллэрэн дьон үөрүүтэ, махтала муҥура суох.
Маны сэргэ оскуола уонна уһуйаан кэлэктиибин эр дьоно уонна 6-11 кылааска үөрэнэр уолаттар оскуола, уһуйаан ону сэргэ оскуола тэрилтэтин үлэһиттэригэр уонна тыырыллыбыт кырдьаҕастарга 15 бырысыап муус ылан, тутатына тырахтарыыс Афанасий Осипов ыалларынан тарҕатан саҕалаата.
Инники күннэргэ олохтоох сынньалаҥ киинин үлэһиттэрэ үс ыалга муус ылан киллэрдилэр.
Нэһилиэкпит үлэни өрө туппут дьонугар, ыччаттарбытыгар, тырахтарыыс уолаттарбытыгар, оскуола, уһуйаан уонна кулууп кэлэктиибигэр махтал буолуохтун.
Олохтоох дьаһалта