Михаил Михеевка ГТО кыһыл көмүс знага туттарылынна

 

Доруобуйаларынан хааччахтаах дьон уопсастыбаларын кыттыылаахтара өрөбүл күн түмсэннэр, «Голбол» көрүҥэр бэйэ икки ардыгар табаарыстыы күрэхтэһиини тэрийдилэр. Түмүккэ, сүүмэрдэммит хамаанда тэриллэн, бу ыйга өрөспүүбүлүкэ чемпионатыгар кыттарга бэлэмнэниэхтэрэ.

Спортсменнар күрэхтэһиинэн муҥурдаммакка, инники былааннарын ырытыстылар. Ону таһынан, уопсастыба көхтөөх кыттыылааҕар Михаил Михеевка ГТО нуорматыгар кыһыл көмүһү ылбытын бигэргэтэр знагын үөрүүлээх быһыы-майгы ортотугар туттардылар.

Уопсастыба кыттыылаахтара сотору-сотору түмсэннэр, сүбэлэһэннэр, биир санаанан тахсыылаахтык үлэлииллэрин бэлиэтиэҕи баҕарыллар.


Вячеслав Алексеев