Бүгүн Бэрдьигэстээххэ улуустааҕы комплекснай спартакиада чэрчитинэн национальнай многоборье күрэхтэһиитэ буолла.
Төрөөбүт нэһилиэктэрин аатын 37 спортсмен көмүскээтэ.
Кыргыттар, уолаттар саастарынан, ыйааһыннарынан арахсан, төрүт оҕунан ытыыга, мас тардыһыытыгар, сүүрүүгэ, үс төгүл үс, тутум эргииригэр, хапсаҕайга, ыараханы көтөҕүүгэ бэйэлэрин тургутустулар.
Түмүккэ бастакы Одуну, иккис Кировскай, үһүс миэстэҕэ Октябрьскай таҕыстылар.
Бастыҥ көрдөрүүлээх спортсменнарбыт өрөспүүбүлүкэ чемпионатыгар, Манчаары оонньууларыгар кыттарга дьулуһуохтара.
Күрэхтэһии кылаабынай судьуйатынан Иван Горохов, эдэр мадьыныларбыт күрэхтэһиилэртэн уопутуран, тэрээһиҥҥэ бэркэ үлэлэстилэр.
Вячеслав Алексеев