Урукку кэм курдук нэһилиэнньэҕэ эт бородууксуйата дэлэйдик атыыламмат буолбутун бары билэбит. Улахан хаһаайыстыбалар хас нэһилиэк аайы бааллар, кинилэр нэһилиэнньэни эт-үүт бородууксуйатынан хааччыйаллара да ахсааннаах буолла.
Одунуга биир улахан бааһынай хаһаайыстыбалаах Гаврил Ефремович Ефремов сылын ахсын сайыннары-күһүннэри минньигэс, эмис ынах, сылгы этин нэһилиэнньэни хааччыйара хайҕаллаах суол. Кини атыыга таһаарбыт бородууксуйатын олохтоохтор тутатына ылан, мэлдьи махтаналлар.
Гаврил Ефремович быйыл уопсайа 145 тн (45 Ытык Салаа, 100 тн Хатас участактарга) оттоото. Уопсайа 45 ынах сүөһүлээх, 19 сылгылаах. Былырыыҥҥы 19 тн үүтү туттаран, былаанын мэлдьи аһара толорор.
Алена Васильева