Балаҕан ыйын 10 күнүгэр .В.Д.Лонгинов аатынан Атамай орто оскуолатыгар үөрүүлээх быһыыга-майгыга «Үөрэҕирии» национальнай бырайыак чэрчитинэн «Үүнүү точката» үөрэх киинэ арылынна.
Естественнэй-научнай уонна технологическай хайысхалаах саҥа кабинеттар «Биология», «Химия», уонна «Физика» предметтэринэн оҕолорго саҥа технологиялары үөрэтэллэригэр анаан оҥоһулуннулар.
Киин арыллыытыгар үөрэх управлениетын начаалынньыга Варвара Сметанина, дириэктэр Мотрена Ефремова кыттыыны ыллылар. Лидия Алексеева, Туйаара Колесова, Алиса Филиппова, Еремей Петров кабинеттарын саҥа оборудованиеларын оҕолорго, ыалдьыттарга сиһилии билиһиннэрдилэр.
Саҥа, аныгы үөрэх көрүҥүн аартыгар киирэн оҕолор олус үөрдүлэр. Оҕолорбут сатабыллара элбиэ, билиилэрэ-көрүүлэрэ өссө кэҥиэ диэн эрэнэбит.
Татьяна Павлова