Бороҕоҥҥо Николай Тарскай аатынан СК чэпчэки атлетикаҕа СӨ үтүөлээх тренерэ Серафим Татаринов сырдык аатыгар өрөспүүбүлүкэтээҕи турнир буолла.
Барыта 200 эдэр спортсмен сүүрэр суолга таҕыста.
Александр Агеев аатынан оҕо спортивнай оскуолатын иитиллээччилэрэ икки бөлөххө кытыннылар.
Бэрт тыҥааһыннаах сүүрүүлэр кэнниттэн бэйэлэрин саастыылаахтарыгар
400 м Алина Павлова, Денис Заровняев, 1500 Айаал Платонов боруонса мэтээли ылары ситистилэр. Тренер Владимир Петров оҕолор кыахтара баарынан кытыннылар диэн бэлиэтиир.
Эдэр спортсменнарбыт инникитин Манчаары оонньууларыгар кыттар иһин, путевканы ыларга, кыһамньыларын ууруохтара.
Вячеслав Алексеев