Россияҕа бастакы мэтээллэрин ыллылар

Московскай уобалас Покровскай сэлиэнньэтигэр 100 харахтаах дуобакка оҕолорго Бүтүн Россиятааҕы күрэхтэһиигэ Александр Агеев аатынан оҕо спортивнай оскуолатын иитиллээччилэрэ бэртээхэй кыайыыны ситистилэр.

Ол курдук, 9 саастарыгар диэри дуобатчыттарга «быстрай»программаҕа Данил Захаров бастакы, «молниеноснай» Артем Илюхин бастакы, Данил үһүс миэстэни ылары ситистилэр.

Кырачаан спортсменнарбыт аны 100 харахтаахха «классическай» уонна нуучча дуобатыгар бэйэлэрин күүстэрин холонуохтара.

Тренердэр Степан уонна Чаҕыл Заровняевтар.

Оҕолорбутугар ситиһиилэри баҕарыаҕыҥ.

Вячеслав Алексеев