Сэтинньи 23 күнүгэр Одуну сиригэр-уотугар үрүҥ илгэни үрүлүтэр, хороҕор муостааҕы, сыспай сиэллээҕи иитэр бастыҥ дьоммутун түмэ тутар улууспут Тыа хаһаайыстыбатын күнэ уонна Саха ынахтарын иитэр тэрилтэ 30 сыллаах үбүлүөйүн бэлиэтиир тэрээһин буолла.
Бу күн Одуну нэһилиэгин эдэр ыаллара Изабелла, Айтал Афанасьевтар саҥа хотоннорун арыллыыта буолла, сахалыы сиэринэн алгыс тыл этилиннэ.
Ылдьыттар «Маҕарас агрооскуолата» СХПК баараҕай тутуутун саҥа хотонун көрдүлэр-иһиттилэр. «Сүөһү иитиитигэр саҥа көрүүлэр» төгүрүк остуол тула санаа атастаһыыта, уустук боппуруостар тула бэртээхэй кэпсэтиилэр буоллулар.
Бу күн Горнайбыт улууһун тыа хаһаайыстыбатын сайыннарар бастыҥ үлэһиттэригэр, үгүс уопуту тарҕаппыт ытык дьоммутугар махтал суруктар, бэлиэлэр дохсун ытыс тыаһын ортотутан туттарылынна.
Ыҥырыылаах ыалдьыттарбытыгар, үлэни өрө туппут үтүө дьоммутугар истиҥ эҕэрдэ буолуохтун! Өрүү даҕаны саханы саха дэтэр өбүгэлэрбититтэн кэлбит үтүө үгэспитин өрө тутуоҕуҥ, түмсүүлээх буолуоҕуҥ!
Алена Васильева