От ыйын 6 күнүгэр Дьокуускайга көҥүл тустууга оҕолорго Олимпиада, Аан дойду чемпиона Павел Пинигин аатыгар “Саха сирин тимир суоллара” АК бирииһигэр Бүтүн Россиятааҕы турнир түмүктэннэ.
Бу улахан күрэхтэһиигэ Киргизияттан, Казахстантан, Белоруссияттан, Таджикистантан, Монголияттан, Амурской уобаластан, Приморскай, Забайкальскай кыраайтан, Кемеровскай, Иркутскай уобаластан, Туваттар, Ингушетияттан 700 эдэр бөҕөс бэйэтин күүһүн холонно.
Бу улахан түһүлгэҕэ биһиги эдэр уолаттарбытыттан Бэрдьигэстээххэ Олимпийскай эрэллэри бэлэмниир спортивнай оскуола иитиллээччитэ 42 кг Дима Сивцев уонна Роман Дмитриев аатынан Олимпийскай эрэллэри бэлэмниир училище үөрэнээччитэ 71 кг Алеша Захаров бэрт сытыы хапсыһыылары көрдөрөн, боруонса мэтээли ылары ситистилэр.
Вячеслав Алексеев