Бүгүн Афанасий Парфенов аатынан СК остуол тенниһин улуустааҕы федерацията көҕүлээн, сезону түмүктүүр коммерческай күрэхтэһиини тэрийдэ.
Спортсменнар үс бөлөххө арахсан кииристилэр.
Кэрэ аҥаардарга: I миэстэни Антонина Максимова, II Наталья Иванова, III Надежда Уразбахтина ылла.
Саҥа саҕалааччыларга: I миэстэҕэ Дьулус Антонов, II Олег Трофимов, III Семен Скрыбыкин таҕыста.
Уопуттаах оонньооччуларга: I миэстэ Валентин Петров, II Радомир Сидоров, III Аркадий Максимов буолла.
Күрэхтэһиигэр Маҕарастан спорт бэтэрээнэ Мария Кудаисова түөрт кыыһын кытыннаран, бэйэтэ эдэрдэри кытары тэҥҥэ киирсэн, теннис спорду көҕүлүүрүн көрдөрбүтэ хайҕаллаах суол. Билигин кини сиэннэрин угуйарга үлэлэһэ сылдьабын диир. Онон аҕам саастаах күндү киһибит дьиэ кэргэнинэн чөл, чэгиэн олоҕу өрө тутан, үүнэр көлүөнэ ыччаты спорка угуйа сылдьара үтүө холобур буолар диэн бэлиэтиэх тустаахпыт.
Вячеслав Алексеев