Бүгүн улууспут эдэр кэскиллээх учууталларын «Россияҕа сыл учуутала – 2023» куоҥкурус лауреатын, «За воспитание человечности» номинация кыайыылааҕын Иван Дьяконовы (гимназия), Бүтүн Россиятааҕы «Төрөөбүт тыл уонна литэрэтиирэ» куоҥкурус финалисткатын, А.Н.Осипов аатынан Бэрдьигэстээх орто оскуолатын учууталын Кэскилээнэ Лукинаны уонна өрөспүүбүлүкэтээҕи «Сыл учуутала – 2023» куоҥкурус лауреатын, «Продвижение идей К.Д.Ушинского» номинация хаһаайынын Дьулустан Алексеевы (гимназия) чиэстээтилэр.
Улуус баһылыга Никита Андреев Бочуотунай Грамотаны Кэскилээнэ Лукинаҕа, Иван Дьяконовка, Махтал суругу Дьулустан Алексеевка үөрүүлээх быһыыга-майгыга туттарда.
Үөрэх улуустааҕы управлениетын начаалынньыга Варвара Сметанина, нэһилиэк баһылыга Алексей Аргунов, оскуола кэлэктииптэрэ, үөрэнээччилэрэ эҕэрдэ тылларын анаатылар.
Россияҕа Учуутал уонна настаабынньык сылыгар историяҕа хаалар умнуллубат түгэни бэлэхтээбиккитинэн киэн туттабыт.