Бүгүн Бэрдьигэстээх нэһилиэгин дьаһалтатын көҕүлээһининэн, «Саҥа дьиэ — саҥа олох» Любовь Петровна, Захар Егорович Павловтарга туһуламмыт бырайыак түмүктүүр тэрээһинэ ыытылынна. Улуус дьоно-сэргэтэ, улуус дьаһалтата, тэрилтэлэр 1 мөл. 500 солк көмөлөһөн, Павловтар саҥа толору хааччыллыылаах кыбартыыра ылалларыгар төһүү күүс буолла.
Бу күн улуус баһылыга Никита Андреев, Бэрдьигэстээх нэһилиэгин баһылыга Алексей Аргунов, солбуйааччыта Ксения Васильева, нэһилиэк бэтэрээннэрин сэбиэтин салайааччыта Дмитрий Агеев, оҕолоро, сиэннэрэ уонна аймах-билэ дьонноро ыалдьыттаатылар, эҕэрдэ тылларын эттилэр.
Россияҕа Педагог уонна настаабынньык, өрөспүүбүлүкэҕэ Үлэ, улууспутугар Тупсаран оҥоруу уонна Захар Егорович 75 үбүлүөйдээх сааһыгар анаммыт үтүө санаа хамсааһына биир сомоҕо буолууну түстээтэ.
Нина Сутакова
Елена Дьячковская видеоҕа устуута