Бэҕэһээ саҥа арыллыбыт «Тэтим» маҕаһыын бастакы атыылаһааччыларыгар араас сыаналаах бириистэри олохтоото. Смарт телевизор, тестомешалка, өтүүк, шуруповерт, миксер о.д.а соһуччу бэлэхтэр үгүс атыылаһааччылары үөртүлэр. Икки каассанан бастакы алта 5-10 тыһ. солк бородуукталаабыт дьоннор телевизор, тестомешалка бэлэх туттулар. Ол курдук, Бэрдьигэстээххэ саҥа суши доставкатын арыйбыт эдэр урбаанньыт дьиэ кэргэн телевизоры, тестомешалканы бородуукталарын кытта илдьэ бардылар.
Көр, урбаанньыттар диэх курдук. Барыстаах өттүн толкуйдаан, син биир ылыллар бородуукталарын атыылаһан, өссө барыстаах таҕыстылар! Саҥа саҕалааччы урбаанньыттарга ситиһиини баҕарабыт. Онтон кырачаан бастакы атыылаһааччы «Тэтим» маҕаһыынтан хайы үйэ Саҥа дьыллааҕы бэлэҕи тутан, үөрүүтэ муҥура суох.
«Тэтим» маҕаһыыҥҥа тэтимнээхтик, иннин диэки тэтим хардыынан үүнэ-сайда туралларыгар баҕарабыт. Махталлаах атыылаһааччыларгыт дэлэй астан-үөлтэн махталлара эһигини үрдүккэ эрэ кынаттаатын!
Күннэй Алексеева