«Флорa» түмсүүү кыттыылааҕа, тиэргэнигэр сайыҥҥы сибэкки арааһын үүннэрэр Екатерина Дьячковская астраны олордорго сүбэ-ама биэрэр:
— Хаһыс да сылбын астраны сөбүлээн үүннэрэбин. Олунньу саҕаланыыта астра
сиэмэтин ыстым. Бу сибэкки улахан хаппырыыһа суох, ол эрэн ханнык баҕар сибэкки курдук үчүгэй көрүүгэ-харайыыга наадыйар.
Атыылаһыллыбыт сиэмэ үксэ гибриднай уонна плазменнай эмтээһини ааспыт буолар, ол иһин эбии эмтии сатаабаппын. Хара буорга эбии оҥоһуллубут буору булкуйан, сылаас ууну кутан туруора түһэн баран, сиэмэбин ыһабын.
Фитолампа анныгар үүммүт арассаада умнаһа аһары уһаабат, өҥө күөх, төрдө суон буолар.Ууну бастакы бириэмэҕэ шприһынан эбэтэр оҕо медицинскэй грушатынан хаапыланан кутуллар.
Сибэкки арассаадата улааттаҕына арассаада ойоҕос силистэрин сайыннарар сыалтан, силиһин кылгатан баран, атын иһиккэ көһөрүллэр. Онтон клумбаҕа түөрт сэбирдэхтэннэҕинэ көһөрөр табыгастаах.
Эбии аһылыкка банан хаҕын ууга сытыаран баран, ол уутун кутабын. Астраҕа элбэх ууну кутуллубат.
Үүүнээйилэргин, сибэккилэргин, кытары куруук болҕомтону ууран кэпсэтэ сырыттахха, киһи дууһалыын сынньанар уонна үүнээйилэриҥ ситэн-силигилээн үүнэллэр.
Нина Сутакова
