Бүгүн Солоҕон нэһилиэгэр саҥа үүт сыаҕа үөрүүлээх быһыыга-майгыга арылынна. Тутууну Солоҕоттор биир дойдулаахтара, урбаанньыт Николай Прохоров иилээн-саҕалаан ыытта. Саҥа объегы улуус дьаһалтата үбүлээн туттарда.
Үөрүүлээх күн сахалыы сиэринэн-туомунан Степан Стручков алгыһынан арылынна. Үүт сыаҕын тутуутугар үлэлээбит дьоҥҥо эҕэрдэ бастыҥа ананна. Улуус баһылыгын бастакы солбуйааччы Сардаана Стручкова сыах маастарыгар Надежда Алексееваҕа улуус дьаһалтатын аатыттан Бочуотунан Грамотаны, нэһилиэк баһылыга Александра Александрова бары үлэлэспит дьоҥҥо, үлэһиттэргэ, тыа хаһаайыстыбатын управлениетын начаалынньыга Роман Филиппов олохтоох үүт туттарааччыларга Махтал суруктары туттардылар. Онтон урбаанньыт Николай Прохоров саҥа дьиэ күлүүһүн Надежда Алексееваҕа дохсун ытыс тыаһынан туттарда.
Бу курдук, тыа дьонун сүрүн дьарыктара буолар тыа хаһаайыстыбатын эйгэтэ өрүү үүнэ-сайда, үүт ас дэлэйэ, хаачыстыбалаах бородууксуйа элбии турдун.
Үлэ күүһэ
Солоҕон дьаһалтатын телеграммыттан хаартыскалар туһанылыннылар.