Бүгүн Бэрдьигэстээххэ «Эйэ» скверыгар олохтоох дьаһалта көҕүлээһининэн, өрөспүүбүлүкэҕэ биллэр-көстөр, инники күөҥҥэ сылдьар «Улахан Алаас» крестьянскай хаһаайыстыба салайааччыта Марк Лиханов, тыа хаһаайыстыбатын билимин доктора, профессор Константин Степанов дьөһөгөй оҕотун иитиитин, кымыс оҥоруутун кистэлэҥнэрин арыйдылар.
Горнайтан сылгы иитиитинэн утумнаахтык дьарыктанар Серафим Григорьев, «Мас Арыы» крестьянскай хаһаайыстыба салайааччыта Валерий Федоров сылгыһыттары кытары санааларын атастастылар.
Сүрүн кэпсэтии кымыс оҥоруутун, көөнньөрүүтүн, хайдах буолуохтааҕына, киһиэхэ туһатын тула барда. Ыалдьыттар өбүгэ саҕаттан кэлбит ньыманы билигин туттааччы дьон аҕыйаабытын бэлиэтээтилэр. Кымыс аатынан түргэнник көөнньүрдэр бородууксуйаны туттаннар, быырпахтары атыылааччылар аҕыйаҕа суохтарын эттилэр.
Сылгы иитиитин, элбиирин туһугар үлэлии-хамсыы дьон туох кыһалҕалар баалларын туһунан кэпсииллэр.
– Сирбит-уоппут үчүгэй
— Ууну кэһэ сылдьан оттуур чинчилээхпит
–Эһэни бултуурга үс эрэ күн кыра
–Бэйдиэ ыттар боппуруостара бааллар о.д.а.
Вячеслав Алексеев