Улуус дьаһалтатыгар айылҕа харыстабылын инспекциятын салайааччыта Родион Сергеев, булт хамыыһыйата, муниципальнай тэриллии бэрэстэбиитэллэрэ кыттыылаах быйылгы туйахтаах кыылга бултаныы тула сүбэ мунньах буолла.
Бастакытынан, киирбит сайабылыанньанан көрөн, ханнык кыылларга сэрэбиэйи ыытары-ыыппаты көрдүлэр. Ону тэҥэ СӨ булдун сокуонун 11 №-дээх ыстатыйатыгар олоҕуран, сэрэбэйи хайдах быһыылаахтык, ханна ыытары ырытыстылар.
Бу сылга кыһыҥҥы бэлиэтээһин түмүгүн таһаарыытынан тайахха – 22 (2022 с. – 24), хагдаҥ эһэҕэ – 9 (13), туртаска – 47 (86), табаҕа – 20 (31) квота көрүллүбүт.
Төһө сайабылыанньа киирдэ
Улахан тайах 15 сайаапкаҕа – 640 сайаапка киирдэ;
1 сааһыгар диэри 5 – 63;
Атыыр тайахха (на реву) 2 – 22;
Улахан туртас 25 – 274;
1 сааһыгар диэри 16 – 38,
Атыыр туртаска (на реву) 6 – 10;
Улахан таба 15 – 89;
Хагдаҥ эһэ 9 – 30;
Туйахтаах кыылга, эһэҕэ сайабылыанньа толору киирбитинэн сэрэбиэй бу ый 28 күнүгэр элбэх хайысхалаах спортивнай комплекска ыытыллара быһаарылынна.
Быйылгы таба бултугар уларыйыы киирдэ. Ол курдук, кини атырдьах ыйын 1 күнүттэн – олунньу 1 күнүгэр диэри көҥүллэннэ.
Вячеслав Алексеев