Сэтинньи 1-11 күннэригэр Турция Алания куоратыгар дуобакка Аан дойдуга бастыыр иһин күрэхтэһии буолла. Бэйэлэрин саастыылаахтарыгар 14 дойдуттан 170 спортсмен дуобат алыптаах хонуутугар күөн көрүстэ.
Бу улахан күрэхтэһиигэ киэн туттар, кэскиллээх ыччаппыт Тунаара Федорова «молниеноснайга» кыһыл, «түргэн», «классическай» программаларга үрүҥ көмүс мэтээллэри ылан биир дойдулаахтарын үөртэ.
Уопсайа Саха сирин дуобатчыттара 5 кыһыл, 7 үрүҥ, 6 боруонса мэтээли ылары ситистилэр.
Вячеслав Алексеев