Туризм: «Шишки» база ыалдьыттары күүтэр

Ааспыт сыл Надежда, Алексей Алексеевтар Бэрдьигэстээххэ «Шишки» туристическай-сынньалаҥ бааза арыйбыттара. Надежда Алексеева инстраграмҥа атын дойдуларга сынньалаҥ баазалар баалларын кэрэхсии көрөрө. Кини интэриниэт нөҥүө элбэҕи көрөн, үөрэтэн, баҕа санаатын олоххо киллэрэргэ дьулуспут. Онуоха кэргэнэ Алексей өйөбүл-тирэх буолан, баазаны тутан саҕалаабыт. Бааза биир сынньанар дьиэлээх, баанньыктаах.

Сынньанар дьиэ аныгылыы истииллээх. Сайыҥҥы куйаас кэмнэргэ Дьокуускайтан элбэх киһи кэлэн сынньанна, сөтүөлээтэ. Дьон-сэргэ дьиэ кэргэттэрин, доҕотторун кытта кэлэннэр, айылҕаҕа сынньанан, күүс-уох ылан барар. Улууспутугар маннык туристическай баазалар өссө кэҥээн, сайдан иһэллэригэр баҕа санаабытын тириэрдэбит.

Алена Санникова.