Саҥа дьыл бырааһынньыгын сүпсүлгэнэ номнуо саҕаланна. Саҥа дьыл сүрүн киэргэлэ биллэн турар харыйа буолар. Сыаната удамыр, көстүүтэ тупсаҕай, сыта-сымара дьиэни толорор диэн өйдөбүлтэн билигин даҕаны тыыннаах харыйаны сэргиир, дьиэлэригэр аҕалан туруорар дьон баар.
Тыыннаах харыйа туруорар дьоҥҥо, Горнайдааҕы лесничествоттан көҥүл, ол эбэтэр дуогабар толорсон эрэ баран, тыыннаах үүнэн турар харыйаны кэрдэргит көҥүллэнэрин санатар. Көҥүлэ суох харыйаны кэрдии иһин айылҕаҕа хоромньуну оҥорбоккут төлөбүрүн таһынан 3000 солк. – 4000 солк. ыстарааптаныаххытын сөп. Онтон 5000 солк. үөһээ сыаналаах хоромньу оҥордоххутуна, уголовнай дьыалаҕа тардыллыаххытын сөп.
Билигин өрөспүүбүлүкэ үрдүнэн “Харыйа” диэн эпэрээссийэ ыытылла турар. Бары улуус-тарга лесничество үлэһиттэрэ сокуоннайа суох кэрдии тахсыбатын бопсор былааннаах рейдэлэргэ сылдьаллар, патрулирование ыыталлар.
Олохтоох лесничествоҕа кэлэн билсиҥ, мунаарбыт боппуруостаргытыгар исписэлиистэр сүбэлээн, сөптөөх хоруй биэриэхтэрэ.
1 м диэри үрдүктээх харыйа – 49,88 солк.
1-2 м диэри үрдүктээх харыйа – 77,60 солк.
2-3 м диэри үрдүктээх харыйа – 166,30 солк.
3-4 м диэри үрдүктээх харыйа – 230,01 солк.
4 м үөһээ үрдүктээх харыйа – 293,75 солк.
Күүтүүлээх кэрэ бырааһынньыгы сокуону кэспэккэ, үөрэ-көтө көрсөргүтүгэр баҕарабыт.
Горнайдааҕы лесничество.