Бүгүн, алтынньы 23 күнүгэр
П. Д.Аввакумов аатынан Киин библиотекаҕа дьоро күн тосхойдо. Ол курдук айар куттаах бэйиэт, учууталлар учууталлара Александр Адамович Тарасов 75 сааһын бэлиэтиир үөрүүлээх тэрээһин буолла.
Бу күн бэйиэт анабыл хоһоонноро, дойдуга анаммыт ырыалара, сүдү үлэтин суола-ииһэ сырдатылынна, алгыс үтүө тыллара ананнылар.
РСФСР үөрэҕириитин туйгуна, «Гражданскай килбиэн», Солоҕон нэьилиэгин Бочуоттаах олохтооҕо», «Улуус сайдыытыгар кылаатын» Бэлиэ хаһаайына, бэйиэт, элбэх кинигэ ааптара, учууталлар учууталлара Александр Тарасов үбүлүөйдээх сылын, төрөөбүт күнүн көрсө улуус дьаһалтата, улуустааҕы үөрэх салалтата, үөрэппит оҕолоро, биир дойдулаахтара, бииргэ үлэлэспит аргыстара, айар-тутар доҕотторо, «Үлэ күүһэ» хаһыат редакцията, Бэрдьигэстээх, Солоҕон нэһилиэгин үөрэнээччилэрэ истиҥ эҕэрдэлэрин эттилэр, үтүө тыл бастыҥын анаатылар.
Хаһыаппыт, редакциябыт аҕам саастаах доҕорун, үтүө сүбэһиппитин, эрэллээх сурутааччыбытын, общественнай корреспондеммытын, ытыктыыр киһибитин өссө төгүл үбүлүөйгүнэн итиитик-истиҥник эҕэрдэлиибит!
Нина Сутакова.