«Саха ынаҕа» племенной хаһаайыстыба Одунутааҕы филиалыгар кыралаан эбиллии саҕаланна. Ол курдук бүгүҥҥү күҥҥэ Чолбон, Бэргэн, Таҥха диэн «уолаттардаахтар», Эриэкийэ диэн мааны «кыыстаахтар». Кырачааннар этэҥҥэлэр.
Улуу Сыһыыга хайы үйэ 14 туораах саҕа ньирэй күн сирин сэргиир, үөмэхтэһэ мустар, оонньоколоон ылар, ийэлэрин «хонноҕун анныгар» ачаалыы, харысхалга тураллар. Сотору-сотору Татьяна, Виктор Никифоровтар дьиэлэригэр уоһах алаадьыта сырылаччы буһар, саха ыалын түбүгэ үксүүр, үрүҥ илгэ дэлэйэр.
Кыһыннары таһырдьа аһыыр, уулуур, тулуурдаах саха ынахтара барахсаттарга соҕурууттан сылаас салгын илгийэр, саас тыына сүрэҕи үөрдэр, өрүкүтэр.
«Далаһа» пресс-киинэ, Одуну