Бу ааспыт 2023 с. Саха сирин үрдүнэн мобильнай түөкүттэринэн 2919 буруй оҥоһулунна, Саха сирин олохтоохторуттан мобильнай түөкүттэр 946 000 000 (тоҕус сүүс түөрт уон алта мөлүйүөн) солк. албыннаан бэйэлэригэр иҥэриннилэр. Бу иннинээҕи 2022 с. түөкүттэр 256 000 000 (икки сүүс биэһэн алта мөлүйүөн) солк. албыннаан ылбыттара. Биһиги улууспутугар 2023 с. 6 итинник буруй регистрацияланна.
Бүтэһик кэмҥэ түөкүттэр полиция, следователь, ФСБ сотруднига, госуслуга уонна прокуратура үлэһитэ буолан кубулунан эрийэн, дьону албынныыллара элбээн иһэр, ханнык да ити үөһэ ыйыллыбыт үлэһиттэр эһиэхэ эрийэн тиийэн мошенниктар эһиги ааккытынан кредит ылбыттар, эбэтэр харчыгытын каартаҕытыттан уста сатаатылар диэн төлөпүөнүнэн эрийбэттэр. Инвестициянан харчы үлүннэрээһин ити эмиэ барыта мобильнай түөкүттэр угаайылара буолар. Итинник звоноктар кэллилэр да кэпсэтэ барбакка төлөпүөҥҥүтүн ууран иһин.
Улууспут олохтоохторун өссө төгүл сэрэтэбит, түөкүттэр албын угаайыларыгар төрүт киирэн биэримэҥ, информационнай сибээс эйгэтигэр болҕомтолоох, сэрэхтээх буоларгытыгар ыҥырабыт.
Горнайдааҕы полиция отделениета