Бэҕэһээ Дьокуускайга мөлтөхтүк көрөр дьон ортотугар «Голбол» көрүҥэр өрөспүүбүлүкэ чемпионата буолла.
Бу улахан күрэхтэһиигэ Горнай спортсменнара ситиһиилээхтик кытыннылар. Ол курдук, кэрэ аҥаардарбыт Мария Павлова, Людмила Текеянова, Аэлита Винокурова, Милена Трофимова, Екатерина Мартынова сэттэ хамаандаттан үһүс миэстэни ылары ситистилэр. Кинилэр үс бастыҥ иһигэр киирэр иһин быһаарыылаах оонньууга Амма хамаандатын хотон, спорт бу көрүҥэр бастакы мэтээли аҕалбыттара улахан ситиһии буолар диэн бэлиэтиэҕи баҕарыллар.
Хамаанда ситиһиитигэр Иннокентий Кардашевскай, Петр Никулин сүбэлээн-амалаан, дьарыктаан күүс-көмө буоллулар.
Спортсменнар улахан таһымнаах күрэхтэһиигэ кытталларыгар кыһамньыларын уурбут социальнай отдел, управление салайааччыларыгар Альбина Алексееваҕа, Сандаара Михайловаҕа махталларын тириэрдэллэр.
Вячеслав Алексеев