Улууспутугар төһө ыт, куоска баарый диэн биирдэ эмит толкуйдаммыккыт дуо. Биллэн турар, эппиэтинэстээх хаһаайын ытын уонна куоскатын, дьиэтин кыылын ирдэбил быһыытынан олохтоох ветеринария учаастагар учуокка туруорар, чиптатар уонна вакцинациялатар. Оттон эппиэтинэһэ суох хаһаайыттар хайдах иитэллэрин бары да билэ-көрө сылдьабыт…
Быһаарыллыах даҕаны кыһалҕа, кинилэр дьалаҕай сыһыаннарыттан уопсастыбаҕа кутталы, аймалҕаны таһаарарын күннэтэ истэбит, сөҕөбүт, дьиксинэбит.
Биһиги бүгүн эппиэтинэстээхтик иитиигэ тохтообокко (этэн-этэн, суруйан-суруйан кэллибит), ыт, куоска ахсаанын билиэхпит. Ол курдук, чуолкай дааннайы ылаары, улууспутугар үлэлиир СӨ Ветеринарияҕа департаменын ыстаарсай судаарыстыбаннай инспекторыгар Николай Федоровка сибээскэ тахса сырыттыбыт. Кини маннык сыыппараны ыытта.
Бэрдьигэстээххэ: Ыт -515, куоска -0, вакцинацияламмыта — 232
Дьиикимдэҕэ: Ыт -69, куоска – 0, вакцинацияламмыта — 64
Өркө: Ыт -64, куоска – 4, вакцинацияламмыта – 55
Аһымаҕа: Ыт -79, куоска – 0, вакцинацияламмыта — 24
Орто Сурка: Ыт -48, куоска – 5, вакцинацияламмыта — 24
Күөрэлээххэ: Ыт -87, куоска – 0, вакцинацияламмыта — 31
Кэптиҥҥэ: Ыт -105, куоска – 8, вакцинацияламмыта — 29
Бэс Күөлгэ: Ыт -141, куоска – 15, вакцинацияламмыта — 127
Маҕараска: Ыт -147, куоска – 0, вакцинацияламмыта – 84.
Ол аата барыларын эптэхпитинэ улууспут үрдүнэн уопсайа 1255 ыт, 32 куоска баара бэлиэтэннэ. Бу көрдөрүү дьэ элбэх дуу, аҕыйах дуу. Мин тус бэйэм көрүүбүнэн атын улуустартан лаппа элбэх. Биир өттүнэн үчүгэй, горнайдар үтүө санаалаахтар, дьиэ кыылын, түөрт атахтаах доҕотторбутун иитэллэр, харыстыыллар, бүөбэйдииллэр диэн өйдүөххэ сөп эрээри…
Күннэй Алексеева