Биир дойдулаахпыт, Кировскай нэһилиэгин олохтооҕо Эмма Павлова өссө биир кэрэ дьарыгын сырдатта.
Уһун унньуктаах кыһыҥҥы күннэри таах ыыппакка бастаан сиэнин оонньуур куукулатыгар таҥас тигэн саҕалаабыт. Онтон илиитэ-атаҕа хамсыыр шарнирнай куукула анаан атыыласпыт.Таҥас арааһын тигэн сиэннэрин, дьоннорун үөрдэр.
Бу дьарыга кини оҕо сааһын туолбатах баҕа санаата эбит.
«Куукула оонньуурдаах оҕолорго олус ымсыыра саныыр этим» диэн санаатын үллэһиннэ.
Эмма Николаевна баҕа санаатын олоххо киллэрэн дьол, үөрүү, дуоһуйуу долгунугар куустарар.
Нина Сутакова