Сарсыҥҥаттан Узбекистан биир кырдьаҕас куоратыгар Хивуга мас тардыһыытыгар Аан дойду чемпионата саҕаланаары турар. Казахстан, Киргизия, Пакистан, Монголия, Азербайджан, Польша, Иран, Бангладеш, Индия, Словакия о.д.а. дойду спортсменнара пьедесталга тахсар иһин, бэйэлэрин күүстэрин холонуохтара.
Дьэ ити курдук, саха национальнай көрүҥэ киэҥ сири хабан, биһирэнэн элбэх норуоту түмэр кыахтаммыта олус үөрүүлээх.
Россия сүүмэрдэммит хамаандатын састаабыгар Горнайтан норуоттар икки ардыларынааҕы кылаастаах спорт маастара Дьулустаан Ноговицын бу улахан күрэхтэһиигэ 90 кг иккис төгүл Аан дойду мэтээлин иһин киирсиэҕэ. Саха сирин мадьыныларыгар ситиһиилэри баҕарыаҕыҥ.
Вячеслав Алексеев.