Горнай улууһун бэтэрээннэрин сэбиэтэ улуус олохтоохторугар, бу сыл олунньу ый 10 күнүгэр таһаарбыт ыҥырыы суругун ылынан, 2023 сыл ахсынньы ый 25 күнүгэр диэри, о.э. төрдүс кыбаартал түмүгүнэн анал счекка маннык үлэ тэрилтэлэрэ көмөлөрүн киллэрдилэр:
Уопсайа 3675186,02 солк. киирдэ. Бу сууматтан 3500000 солк. байыаннай дьайыыга сылдьааччыларга көмө оҥоһулунна. Бу күннэргэ улууспут нэһилиэгин баһылыктара байыаннай дьайыыга сылдьааччылары көрсө командировкаҕа баран кэллилэр. Ити улууспут нэһилиэнньэтин олохтоохторо киллэрбит көмөлөрүн, миэстэтигэр тиийэн сөптөөх көмө оҥороллоругар маннык быһаарыллыбыта. Кировскай нэһьилиэгин баһылыгар Савва Даниловка – 500 тыһ. солк., Маҥаны нэһилиэгин баһылыгар Михаил Текеяновка – 500 тыһ. солк., Маалтааны нэһилиэгин баһылыгар Дмитрий Борисовка – 500 тыһ. солк., Одуну нэһилиэгин баһылыгар Владимир Текеяновка – 500 тыһ. солк., Атамай нэһилиэгин баһылыгар Айсен Павловка – 500 тыһ. солк., Бэрдьигэстээх нэһилиэгин баһылыгар Алексей Аргуновка – 500 тыһ. солк., улууспут баһылыгар Никита Андреевка – 500 тыһ. солк ирдэниллэр докумуон, акт быһыытынан анал счеттарыгар угуллубута. Бу күннэргэ кинилэр отчуоттарын туттаралларын саҕалаатылар. Бойобуой дьайыыга сылдьар уолаттарбыт улууспут олохтоохторугар бэйэлэрин махталлара бэчээт ситимигэр, ол иһигэр ватсаапка тарҕаммыттара. Кэлэр 2024 сылга уон ыалга «Үлэ күүһэ» хаһыакка сыл аҥардааҕы сурутууга 4819,20 солк. барда.
Москва куоракка «Защитники Отечества» Государственнай фонда тэрийбит, хаартысканан куоҥкуруска байыаннай дьайыы кыттыылааҕа бэйэтин толук уурбут буойун, Октярьскай нэһилиэгин олохтооҕо Егор Евгеньевич Татаринов ийэтэ Ойуун Ууһа Ил Иитэ Бэлиэчэй кыыһа Саха сириттэн соҕотоҕун кыттан, наҕарааданы ыла барарыгар 10000,00 солк. биир кэмнээх көмө көрүлүннэ. Өктөмнөөҕү «Малая академия» наукатыгар байыаннай дьайыыга сылдьар дьон оҕолоро лааҕырга баран кэлиилэригэр ГСМ ороскуотугар 9610,00 солк. суумалаах биир кэмнээх көмө оҥоһулунна. Сайабылыанньаҕа олоҕуран бойобуой дьайыыга эмсэҕэлээбиттэр эмтэнэллигэр уонна биирдиилээн дьоҥҥо көмө оҥоһулунна. Улууспутуттан сылдьар уолаттарбыт дьиэ кэргэттэригэр кэлэн иһэр 2024 сылы көрсө «Көмө акцияҕа» 136000,00 солк. бородууктанан нобуор оҥоһулунна.
Ыҥырыыны өйөөбүт улууспут олохтоохторугар, тэрилтэлэр үлэһиттэригэр, биирдиилээн дьоммутугар, бэтэрээннэрбитигэр улахан махталбытын тириэрдэбит.
Горнай улууһун бэтэрээннэрин сэбиэтэ