Өрөспүүбүлүкэ 80-ус сс выпускниктарын түмсүүтэ Илюхиннарга көмөлөрүн туттардылар.
Үтүө санаанан көмөҕө илиибитин утары уунабыт, күүс-көмө буоларга бэлэммитин биллэрэбит.
Бу күннэргэ улууспут, өрөспүүбүлүкэбит дьоно-сэргэтэ, алаһа дьиэлэрин уокка былдьаппыт элбэх оҕолоох Маҥаны нэһилиэгин эдэр ыалларыгар, Илюхиннарга күүс-көмө буолаллар.
Ол курдук, биир дойдулаахпыт Саха сиригэр тимир суол тутуутугар БАМ-ҥа биир бастакынан үлэлэспит бииргэ үөрэммит үөлээннээхпит Клара Павлова көҕүлээһининэн, 1980 с. өрөспүүбүлүкэ араас муннугар олорор выпустар холбоһон, биир санаанан, эдэр ыалларга 60 500 солк. сyумалаах көмөбүтүн туттардыбыт.
Саха дьоно-сэргэтэ өбүгэ саҕаттан илдьэ кэлбит аһыныгас- көмүскэс санаабытынан тыйыс тымныылаах сиргэ быр-бааччы олох олорор туһугар туруулаһан кэллэхпит.
Араас көлүөнэ дьонун-сэргэтин, бу бачыымтан туора туран хаалбакка, биир киһи курдук, илиигитин утары уунаргытыгар ыҥырабыт.
Нина Сутакова.