Бу күннэргэ Бэрдьигэстээххэ кыра Таҥара дьиэтэ көһөрүллэн кэлэн, ититиитэ киирэн, бары сулууспалаахтарүөрүүлэрэ, махталлара үгүс. Ол курдук саха норуотуттан тиһэх сүүс сыл иһигэр бастакынан Протоиерей (аҕабыыт) үрдүк аатын ылбыт, Нам улууһун сүрүн таҥаратын дьиэтин сулууспатыгар православнай таҥара чиэһин үлэһитэ уонна Горнай улууһугар православнай Казанскай таҥара дьиэтин сэбэтиэй түмсүү бэрэссэдээтэлэ Протоиерей Павел Слепцов, кэлэн үлэлээтэ.
“Горнай улууһугар тэриллибит түмсүү сулууспалаахтарын уонна үтүө санаалаах дьон көмөлөрүнэн улахан сырдык хамсааһын ыытылла турар. Ол курдук бу таҥара дьиэтэ, бэйэтин историческай сиригэр-уотугар кэлэн турбута, ордук суолталаах. Сулууспалаахтарга биһиэхэ утары баран олохтоох дьаһалта сирин анаабытыгар махтанабыт. Бу дьоҕус дьиэни Дьокуускайдааҕы епархия архиепискоба Владыка Роман алгыһынан, “САХАТ” чааһынай оскуола салайааччыта Анатолий Бурнашев үбүлээһининэн кэлэн турда. Уота киириитигэр, эһиги биир дойдулааххыт Якутскэнерго генеральнай дириэктэрэ Гаврил Алексеев көмөтүнэн хаачылынна. Барыта уопсайдьыаланан, үтүө санаа күүһүнэн олоххо киирдэ.
Бу күнтэн саҕалаан үҥэр, таҥараҕа тиксэр дьиэҕэ толору сулууспалары ыытар кыахтанныбыт. Таҥара сокуонун быһаарыыга, духуобунай өйөбүл буоларга бэлэммитин биллэрэбит. Дьокуускайтан тахсаммытбожественнай литургиялары, сэбэтиэй крещенияны, өлбүттэргэ, СВО буойуннарын тустарыгар мэлииппэнитаҥараҕа ыытар көмөлөр оҥоһуллуохтара. Биһиги таҥара сулууспабыт церковнай славянскай эрэ тылынан буолбакка, сахалыы тылынан ыытыллар. Саха кэс тыла уонна кини литургията, сулууспата саха тылынан тылбаастанан турар. Ол курдук, сахам сиригэр сахалыы литургияны салайбытын 15 сылыгар үктэннэ.
Инники этэн аһардыбытым курдук, бу историческай сиргэ XIX үйэттэн ылата хаалбыт , таҥара оскуолатын эркинэ күн бүгүҥҥэ дылы турара болҕомтону ылар. Бу историческай сиригэр, бэйэтин миэстэтигэр таҥара оскуолатын түмэлэ баар буоларын ситиһэр былааннаахпыт.
Күндү дьоммут таҥараҕа киирэртэн куттанымаҥ, кыбыстымаҥ киһи таҥараҕа чугаһыыра эмискэ буолбат. Билбэтэххинэ, илэ хараххынан көрбөтөххүнэ, чинчийбэтэххинэ итэҕэлгэ хайдах сыстыаххыный, ол иһин сулууспаҕа кыттыһаргытыгар ыҥырабын” диэн истиҥ санаатын үллэһиннэ.
Бу курдук киһи-аймах духуобунай өйүн-санаатын түмэр, уоскутар уонна ыраастыыр ытык сир, биир сыалга-сорукка, үтүөҕэ уонна харыстабыллаах сыһыаннаһыыга угуйа турдун.
Нина Сутакова.