Муус устар 22 күнүгэр Бэрдьигэстээххэ бэйэ дьыалатынан дьарыктанар, эдэр урбаанньыт, Семен Данилов аатынан Бэрдьигэстээх орто оскуолатын IX кылааһын үөрэнээччитэ Герман Бережнов «Умная ферма» БертСмарт» диэн ферматын Санкт-Петербургтан кэлэн көрдүлэр, сиһилии билистилэр.
Санатар буоллахха, Герман бу соторутааҕыта Санкт-Петербурга X төгүлүн ыытыллыбыт норуоттар икки ардыларынааҕы үлэ форумугар кыттыыны ылан, үрдүк ситиһиилэммитэ.
Ол курдук форум чэрчитинэн Бүтүн Россиятааҕы «Ответственное трудоустройства подростков» диэн коҥкуруска «Код семьи: фермер со смартфоном» диэн саҥа бырайыага бастыҥ үлэнэн сыаналаммыта.
Эдэр урбаанньыттары түмэр киэҥ хабааннаах куоҥкурус тэрийээччилэрэ, өйдөөх ферма үлэтэ кэскиллээҕэр тохтоотулар. Герман төрөппүттэригэр, дьонугар-сэргэтигэр махтаннылар, үрдүк ситиһиилэри баҕардылар.
Ыраахтан кэлэ сылдьар ыалдьыттары СӨ оҕо быраабын көмүскүүр боломуочунай Туйаара Васильева уонна улуус баһылыгын бастакы солбуйааччыта Сардаана Стручкова арыаллаан илдьэ сырыттылар.
Билигин Герман хаһаайыстыбатыгар 200 тахса перепелка, кроликтар, козалар уонна индюктар бааллар. Ону тэҥэ индюк, перепелка сымыыттарын инкубаторга уган турар. Бэрдьигэстээх атыы-эргиэн кииннэригэр перепелка сымыыттара хамаҕатык атыыланаллар. Ону кытта быйылгаттан коза үүтүнэн кефир оҥорон саҕалаатылар.
Бу курдук тыа сирин усулуобуйатыгар, саҥаттан саҥа бырайыактар олоххо киирэ турдуннар. Эдэр көлүөнэ ыччаты, үлэҕэ, үөрэххэ олоххо сирдээтин.
Нина Сутакова