Ыам ыйын 23 күнүгэр Уһук Илиҥҥи регион үрдүнэн «Экстра Синема» киинэ платформатыгар олоҕуран, 13 киинэ саалата арылынна. Ол иһигэр Саха Сириттэн МБТ «Атамайдааҕы сынньалаҥ киинэ» киинэ көрдөрөр оборудованиенан хааччыллан, Бэс Күөлүгэр «АтамайСинема»диэн киинэ саалата арыллар үөрүүлээх түгэнэ тосхойдо.
Бу үөрүүлээх түгэни бэлиэтии «Золото Тойон Бая» диэн бастакы сахалыы киинэ көрдөрүүтэ буолла.
Киинэ иннинэ Атамай нэһилиэгин баһылыга Айсен Павлов эҕэрдэ тылын эттэ. Айсен Павлов уонна Атамайдааҕы сынньалаҥ киинин дириэктэрэ Мария Яковлева «АтамайСинема» киинэ саала арыллыытын туоһулуур кыһыл лиэнтэни быстылар.
Ону таһынан, киинэҕэ киирии билиэтинэн кыайыылаахтарынан Алена Васильева, Эрсан Павлов буоллулар.
Атамайбыт дьоно-сэргэтэ астык усулуобуйалаах уораҕайга сынньалаҥнара үксүү туруоҕа диэн эрэллээхпит.
Анна Дмитриева,
Александр Макскимов, Розалия Габышева хаартыскаҕа түһэриилэрэ