Бүгүн Василий Филиппов аатынан улуустааҕы гимназияҕа үгэс курдук ыытыллар «Горнай кэскиллэрэ» диэн улуус оскуолаларын лидердарын хамсааһынын бэстибээлэ үөрүүлээхтик арылынна.
Инникилээх тэрээһиҥҥэ улуус баһылыгын бастакы солбуйааччыта Сардаана Стручкова, улуустааҕы үөрэх управлениетын начаалынньыгын солбуйааччы Ия Заровняева оҕолорго, учууталларга истиҥ эҕэрдэлэрин, баҕа санааларын эттилэр.
Биир сомоҕо күүһү иҥэрэр бэстибээл «Мы молодые – надежда страны» диэн хамаандалар сырдатыыларыттан саҕаланна.
Салгыы оскуола президеннара улуус баһылыгын кытта дьыалабыай көрсүһүүлэрэ, «Орлята России», «Туругур мин дойдум Куорунай» диэн тэрийэр экспэрдэр үлэлэрэ уонна «Вожатые Саха» диэн биг тайм анал бырагырааманан түмсүөхтэрэ.
Оҕолор каникулларын биир бастыҥ тэрээһиннэрэ олус көдьүүстээхтик, туһалаахтык күнү супту ыытыллара былааннанар.
Улууспут кэскилин түстэьэр инникилээх хамсааһыҥҥа үлэлэһэр оҕолорбутугар, учууталларга үрдүк ситиһиилэри баҕарабыт.
Нина Сутакова