Алтынньыга кыһыны уонна кэлэр сааһы билгэлииллэр.
Алтынньы ыйы муус устар ый батыһар.
Куобах маҥхайар. Эрдэ маҥхайдаҕына кыһын эрдэлиир. Кутуйах уйатыгар элбэх оту мунньуннаҕына кыһына тымныы буолар. Тииҥ көһөр.
Алтынньы 1 күнэ — туруйа үөрэ соҕуруу көттөҕүнэ, алтынньы 14-гэр диэри тымныы түһэр.
Алтынньы 7 күнэ — күн ат хаамыытынан кылгыыр.
Алтынньы 14 күнэ – Бокуруоп таҥара. Бу күнтэн кыһыҥҥы дьыл саҕаланар. Хотуттан тыалырдаҕына, кыһына тымныы, арҕааттан тыалырдаҕына — ичигэс.
Алтынньы 18 күнэ — Муус аннынан муҥха саҕаланар.
Алтынньы 23 күнэ — Ый туолуута.
Алтынньы 30 күнэ — Ый ортотугар тыалырдаҕына, көтөҕө түһэр. Халыҥ хаар түстэҕинэ, сылгыга үчүгэй сыл.