2023 с. Ил Дархан гранын ылбыт «Агро-питомник» бырайыак чэрчитинэн Атамай оскуолатыгар микрозелень дьоҕус фермата үлэлиир.
Ижевск куораттан сакаастаан ылбыт икки стеллажтарыгар үөрэнээччилэр кыһыннары битэмииннээх руккола, брокколи, редис, мицуна, кресс-салат, подсолнечник, горох микрозелень олордоллор. Стеллажтара толору «Өйдөөх система» нөҥүө бэйэтэ уу кутар, уотун холбуур-араарар буолан кыргыттар үөрэхтэригэр мэһэйдэппэттэр эбит. Ону ааһан үлэлэрин номнуо бизнескэ кубулутан, эбии доход киллэринэллэр. Аны пшеница аҕыйах күннээх ростогуттан «Витграсс» эбии добавка оҥорорго үөрэнэллэр.
«Тыйыс айылҕалаах сиргэ олорон, битэмиинэ үрдүк концентрациялаах оту сиэн, чөл туруктаах буолуохха» диэн, үүнээйинэн дьарыгырар IX кылаас кыргыттара Айтаана Павлова, Галя Стручкова, Ильза Иванова ыҥыраллар.
Татьяна Павлова