Тохсунньу 9 күнүгэр В.Д.Лонгинов аатынан Атамай орто оскуолатыгар үгэс буолбут профориентационнай тэрээһин устудьуоннары кытта көрсүһүү буолла.
Выпускниктарбыт И.П.Павлов аатынан Санкт-Петербургдааҕы медицинскэй университет III кууруһун устудьуона Спартак Ефремов, Норуоттар икки ардыларынааҕы казахскай-турецкай университет II устудьуона Эдгард Иванов, И.Ф.Шилов аатынан Уһук Илиҥҥи юридическай институт I кууруһун устудьуона Роберт Ефремов, Чурапчытааҕы физическэй культура уонна спорт институтун IV кууруһун устудьуона Анастасия Яковлева, Дьокуускайдааҕы индустрия уонна педагогика колледжын I кууруһун устудьуона Саян Павлов устудьуон олоҕун туһунан кэпсээтилэр, бэйэлэрин санааларын үллэһиннилэр. Кинилэр видеонан уонна презентациянан сиһилии сырдаттылар. Оҕолорго үөрэххэ туттарсарга сүбэ-ама биэрдилэр. Оскуолаҕа үөрэнэн сылдьан ылбит билиибит, сатабылбыт олус туһалаах эбит диэн эттилэр уонна үөрэппит учууталларыгар, тапталлаах оскуолаларыгар махталларын тириэртилэр.
Бу тэрээһин оскуолабыт оҕолоругар инники олохторугар субэ-ама буолуо диэн эрэнэбит. Маннык көрсүһүүлэр үөрэнээччилэргэ бэйэлэрин идэлэрин таларга, эрдэттэн бэлэмнэнэргэ олус туһалаах буолаллар. Тэрээһиҥҥэ кыттыбыт устудьуоннарга оссо төгүл махтанабыт.
Александра Ефремова