Балаҕан ыйын 8 күнүттэн 19 күнүгэр диэри “Аврора” медицинскэй клиникаҕа сынньанан кэллим. Горнайтан 16 киһи сырытта.
Тиийбиппитигэр барыбытыттан анализ арааһын ыллылар. Наһаа болҕомтолоох быраастар бааллар. Диагноспытын этэллэр эрэ, эмтээбэттэр эбит. Уопсай старостанан Екатерина Егоровна Егорованы таллыбыт. Кини иилээн-саҕалаан сырытта.
Усулуобуйата наһаа үчүгэй. Күҥҥэ түөртэ аһаталлар. Астара минньигэс, араас көрүҥэ баар. Биэ кымыһын иһэрдэллэр. Ону сөбүлээтим. Күн аайы атынтан-атын тэрээһиннэри тэрийдилэр. Тыйаатырга сылдьан, кэнсиэр көрөн дуоһуйдум, фуршет тэрийбиттэрэ. “Орто дойду” экопааркаҕа баран кыыллары көрдүбүт. Өссө биир быраас лекция аахпыта. Хайдах гынан сөпкө атах таҥаһын таларга сүбэлээтэ. Клиника обстановката биһиги курдук дьоҥҥо олус сөп. Ким да, кими да ыксаппат, чуумпу, үлэһиттэрэ эйэҕэстэр, көмөлөһөллөр. Бүтэһик күммүтүгэр түмсэн кэнсиэр көрдөрдүбүт. Бары уопсай үҥкүүлээн, ыллаан, сценка туруоран улаханнык астынныбыт. Мин үҥкүүгэ кытынным, 94 саастаах Атамай кырдьаҕаһа ырыа ыллаан үөрдэ-көттө. Биһиги 15 буолан бары биир дьиэ кэргэн курдук иллээхтик, астына сырыттыбыт, ирэ-хоро кэпсэттибит.
Маннык туһалаах сынньалаҥы тэрийбит социальнай тэрилтэҕэ уонна улуус дьаһалтатыгар махталбын биллэрэбин. Маннык курдук инникитин даҕаны саастаах дьоҥҥо болҕомто уура туралларыгар баҕарабын.
Егор Чемезов,
сэрии сылларын оҕото, үлэ, тыыл бэтэрээнэ, Горнай улууһун, Бэрдьигэстээх нэһилиэгин
Бочуоттаах олохтоооҕо.
Аврораҕа сынньанан кэллим
