Бэс ыйын 3 күнүгэр Горнай улууһун баһылыга Никита Андреев уонна баһылык бастакы солбуйааччыта Сардаана Стручкова Москваҕа үлэлиир сырыыларын кэмигэр, СВО-ҕа Ытык иэстэрин толоро сылдьан, бааһырыы ыланнар, эмтэнэр кэмнэригэр биир дойдулаахтарбытын Семён Р. уонна Степан О. кытары көрүстүлэр.
Истиҥ кэпсэтии уолаттарбыт санааларын өссө бөҕөргөттө. Төрөөбүт дойдуларын сонуннарын истэн, кэһиилэри тутан, төрүт астарын амсайан, улаханнык үөрдүлэр, сэргэхсийдилэр. Кинилэр күүстээх санаалара, олоххо тардыһыылара биһигини үөрдэр.
Бу дьоһуннаах үлэҕэ күүс-көмө буолбут, Москваҕа олорор, үлэлиир биир дойдулаахпытыгар Родион Сидоровка Горнай улууһун дьаһалтатын уонна бар дьонун аатыттан махталбытын тириэрдэбит.
Ону таһынан, уолаттарбытыгар сылаас, минньигэс дьиэ аһын бэлэмнээн ыыппыт улууспут далбар хотуттарыгар улуус дьаһалтатын аатыттан улахан махталбытын тиэрдэбит! Эһиги ис сүрэххититтэн тахсар үтүө санааҕыт, сылаас аскыт байыастарбытыгар олус туһалааҕын, инникигэ кынаттыырын бэлиэтиибит.
Уолаттарбытыгар, чэгиэн доруобуйаны үчүгэй туругу баҕарабыт!
Улуус дьаһалтата