Бэрдьигэстээх олохтооҕо Елена Егоровна Алексеева хаһыс да сылын топинамбуру үүннэрэр. Быйыл онто лаппа үчүгэйдик үүннэ.
Топинамбура икки миэтэрэттэн ордук үрдүктээх буолар. Саһархай дьүһүннээх олус кэрэ сибэккилээх. Ону көрөн үөрэ-көтө хаартыскаҕа кэлэн түһэллэр.
Силиһин төрдүгэр үүнэр хортуоппуйа, киһиэхэ туһалааҕынан үүнээйилэри куоталаһыннарар киһи «көмүс мэтээли» ылыа этэ дииллэр эбит.
Ол курдук,
— А, Е, С, В1, В2 битэмииннэрдээх.
— туһалаах эттиктэрэ: кальций, тимир, магний, фосфор, натрий, алтан, селен, фолат уонна холин.
— хааҥҥа баар саахар үрдээбэтигэр туһалыыр.
— очоҕос, куртах, сүһүөх ыарыытын мүлүрүтэр.
— киһи организмын ыраастааһыҥҥа көмөлөөх.
— холестерин таһымын намтатар.
— үөс тааһырыытын бопсор, умнуган буолууну, хаан баттааһынын кытта намтатар.
— онкологиянан ыалдьыбыттар эмтэнэллэригэр туһаналлар.
— доруобуйа мөлтөөбүтүн, сэниэ суох буолуутун аһардар.
Өссө сибэккитэ, оннооҕор сэбирдэхтэрэ кытта итинтэн итэҕэһэ суох туһалаахтар эбит. Ол иһигэр өй үлэтин күүһүрдэргэ биллэр көмөлөөх.
Улуу учуонай Н. И. Вавилов киһи бүөбэйдэһэр үүнээйилэриттэн биир саамай кэскиллээхтэринэн — топинамбуру ааттаабыта, мээнэҕэ буолбатах.
Билигин үгүс омук дойдулара, бу үүнээйигэ улахан болҕомтолорун ууран, киэҥ сирдэргэ ыһан туһаналларын суруйаллар.
Ас быһыытынан туһанарга, 100-тэн тахса араас бүлүүдэни оҥороллор.
«Супергерой» диэн дорҕоонноохтук ааттанар буолбут Топинамбуру үүннэрээччи, биһиэхэ да сыл аайы элбээн иһиэ дии саныыбыт.
”Үлэ күүһэ»