Аҕа дойду Геройдарын күнүн көрсө Дьокуускайга бойобуой дьайыы бэтэрээннэрин уонна СВО кыттыылаахтарын ортотугар III физкультурнай, спортивнай тэрээһин өрө көтөҕүлүүлээхтик барда.
Бойобуой доҕордуулар спорт араас көрүҥнэригэр илин-кэлин түстүлэр. Ирэ-хоро кэпсэтэн, сүбэлэһэн, инники былааннарын ылыннылар.
Спортивнай тэрээһиҥҥэ Горнай уолаттара көхтөөхтүк кытыннылар. Прокопий Дьячковскай армрестлинг көрүҥэр (ПОДА) 90 кг спортсменнарга уҥа, хаҥас илиитигэр икки үрүҥ көмүс мэтээли ылан, доҕотторун үөртэ. Афанасий Ефремов остуол тенниһигэр тыҥааһыннаах киирсиилэри туораан, боруонса мэтээлинэн наҕараадаланна. Буулдьанан ытыыга Петр Винокуров эрэллээх кыайыыны ситиһэн, чемпион үрдүк аатын сүктэ.
Вячеслав Алексеев