Бу күннэргэ Дьокуускайга «Ас-үөл 2026» өрөспүүбүлүкэтээҕи быыстапка-дьаарбаҥката ыытылынна. Дьаарбаҥкаҕа Саха сирин 16 оскуолата кытынна, 6 350-тан тахса ааттаах бородууксуйаны – сибиэһэй оҕуруот аһыттан, мүөттэн, чэйтэн саҕалаан, дьиэтээҕи барыанньаҕа, сувенирдарга тиийэ көрдөрдүлэр.
Бу тэрээһиҥҥэ В.Д. Лонгинов аатынан Атамай агро хайысхалаах орто оскуолата ситиһиилээхтик кытынна. Экспертэр хара хаптаҕастан барыанньалаах, сироптаах, чэйдээх «Атамай бэлэҕэ» бренд-наборун уонна бройлер чоппууска бородууксуйатын үрдүктүк сыаналааннар, «Бастыҥ оскуола фермата» номинацияҕа 2 үктэллээх призер үрдүк аатын ыллыбыт.
Онон Атамай орто оскуолата өрөспүүбүлүкэҕэ бастыҥ үлэлээх буоларын өссө төгүл бигэргэттэ.
Татьяна Павлова