Ыам ыйын 29 күнүгэр Чурапчы улууһун Мугудай нэһилиэгэр доруобуйаларынан хааччахтаах дьоҥҥо өрөспүүбүлүкэтээҕи «Танец объединяет нас» инклюзивнай бальнай үҥкүү куоҥкуруһа ыытылынна. Бу куоҥнкуруска Горнайтан 3 паара ситиһиилээхтик кыттан, улууспут уонна обществобыт аатын дорҕоонноохтук ааттатан кэллибит.
Уопсайа Дьокуускайтан, аҕыс улуустан 42 кыттааччы, 21 паара кытынна. Сыанаҕа үстүү, түөртүү пааранан үҥкүүлэттилэр. Төрдүс үҥкүүбүт Улуу Кыайыы 80 сылынан «Синий платочек» бука бары бииргэ үҥкүүлээтибит.
Түмүккэ, бары наҕараадаланныбыт:
«Сеньоры» категорияҕа I миэстэ – Иннокентий Кардашевский, Людмила Кононова
«Патриархи» категорияҕа II – Евдокия Григорьева, Власий Капитонов
«Архисеньоры» категорияҕа III – Полина Осипова, Никифор Павлов.
Бу тэрээһиҥҥэ биһигини тэрийэн ыыппыт обществобыт бэрэссэдээтэлигэр Валентин Ивановичка, иилээн-саҕалаан илдьэ сылдьыбыт Татьяна Ильиничнаҕа махтанабыт.
Массыына уларсыбыт М.С.Егоров аатынан Сынньалаҥ киинигэр, бензининэн хааччыйбыт Бэрдьигэстээх дьаһалтатыгар, улуус дьаһалтатыгар, ресурснай кииҥҥэ махталбытын тириэрдэбит.
Куоҥкурус кыттааччылара