Грознай куоракка Ахмат Кадыров кэриэһигэр көҥүл тустууга норуоттар икки ардыларынааҕы турнир ыытылынна.
Бу улахан түһүлгэҕэ Саха сирин сүүмэрдэммит хамаандатын аатыттан биир дойдулаахпыт Манчаары Ильинов 61 кг кыттан, боруонса мэтээл хаһаайынынан буолан, 1 тыһ. доллары ылары ситистэ.
Кини Дагестан күүстээх бөҕөһүн Халид Магомедовы 3:2 ахсаанынан кыайан, тыҥааһыннаах хапсыһыыны көрдөрдө.
Бастыҥ бөҕөспүтүн норуоттар икки ардыларынааҕы турнирга улахан ситиһиитинэн эҕэрдэлиибит.
«Үлэ күүһэ»