Бэрдьигэстээххэ Кыайыы болуоссатыгар үөрэх-билии биһигин кэрэһитэ Бүтэһик чуораан тэрээһинэ ыытылынна. Улууспутугар 188 выпускник оскуоланы бүтэрэн, олох киэҥ аартыгар үктэниэ.
Дойдуга бэриниилээх буолуу, Улуу Кыайыы 80 сылын көрсөр олоххо эрэли, сайдыыны түстүүр түһүлгэҕэ улуус баһылыга Никита Андреев, Дьокуускайтан Россия Геройа Николай Евдокимов уо.д.а кыттыыны ыллылар.
Оҕолорго кинилэр төрөппүттэригэр эҕэрдэ тыллар этилиннилэр. Үөрэнээччилэргэ Грамоталары эҕэрдэ, махтал суруктарын туттардылар. Выпускниктар бары вальс үҥкүүлээн дайдылар.
Күндү оскуоланы бүтэрэр выпускниктарбытын итиитик-истиҥник эҕэрдэлиибит. Биир кэлим эксээмэннэргитин ситиһиилээхтик туттараҥҥыт,талан ылбыт идэҕитин баһылаан, үтүө-мааны үлэһит, дойдуга бэриниилээх буоларгытыгар баҕарабыт.
Нина Сутакова,
Елена Дьячковская хаартыскаҕа түһэриитэ