Горнай улууһун Бэрдьигэстээх нэһилиэгэр С.П. Данилов аатынан Бэрдьигэстээх орто оскуолатыгар аан бастакытын “Дорҕоон” сайыҥҥы лааҕыр үлэлиир.
Мария уонна Василий Мохначевскайдар ааттарынан саха музыкальнай инструменнарын оҥорор мастарыскыай маастардара оҕолору саха национальнай инструменнарын оһуордаан-мандардаан, кырыылаан-чочуйан таһаарарга бастакы үөрүйэхтэри баһылыырга уһуйаллар.
Лааҕыр идеятын биэрбит көҕүлээччинэн буолар култуура уонна духуобунай сайдыы миниистирэ Афанасий Ноев.
Култуура уонна духуобунай сайдыы управлениета оскуоланы кытта кэпсэтэн, кэскиллээх бырайыак олоххо киирдэ.
Лааҕырга оскуола дириэктэрин иитэр үлэҕэ солбуйааччы Ольга Пахомова үлэтин-хамнаһын ымпыгар-чымпыгар диэри тэрийэн, лааҕыр үлэтэ-хамнаһа үрдүк таһымҥа ааһар.
Лааҕырга 20 оҕо уус, кэрэ эйгэ мындыр идэтигэр уһуйуллар, бэркэ сөбүлээн дьарыктаналлар.
СӨ норуодунай артыыстара, оскуолаҕа «Тэтим» бөлөҕү салайар Клавдия уонна Герман Хатылаевтар лааҕыр оҕолоругар саха инструменнарын билиһиннэриигэ, оонньуу сатабылларыгар үөрэхтэри ыыттылар.
Култуура уонна духуобунай сайдыы управлениета