Москваҕа «Призывники: Служу России 2026» диэн Бүтүн Россиятааҕы байыаннай-спортивнай спартакиада финала үрдүк таһымҥа барда.
Улахан таһымнаах күрэхтэһиигэ Афанасий Осипов аатынан оскуола иһинэн үлэлиир «Мохсоҕол» БПК иитиллээччилэрэ ситиһиилээхтик кытыннылар.
Биирдиилээн көрүӈнэргэ 13-15 саастаах оҕолорго электроннай саанан ытыыга кыргыттарга Данилика Сидорова, уолаттарга Айхал Васильев үрүҥ көмүс мэтээллэннилэр.
Кулууп салайааччыта Владимир Тарасов бэйэтин бөлөҕөр 31+ саастаахтарга чаҕылхай көрдөрүүлэннэ.
Ол курдук, АК-74 автоматы ыһыыга-хомуйууга уонна обойматыгар ботуруон угуутугар үһүс-иккис миэстэни ылла.
Миэстэттэн уһуну ыстаныыга үһүс, перекладинаҕа тардыныыга, 60 м сүүрүүгэ иккис, бириэмэҕэ скакалканан ойууга (30 сөк) бастакы миэстэни ылан, дьоһун кыайыыны ситистэ.
Үүнэр көлүөнэ ыччаты Ийэ дойдуга бэриниилээх, байыаннай сулууспаҕа бэлэмнээх буоларга угуйарга, бэлэмнииргэ ураты болҕомтону уурар дьоммутугар, оҕолорго эҕэрдэбитин тириэрдэбит.
Вячеслав Алексеев