Балаҕан ыйын 26 күнүгэр СӨ Судаарыстыбаннаһын күнүн көрсө ыытыллыбыт тэрээһин чэрчитинэн Бэрдьигэстээххэ олохтоох көҕүлээһини өйүүр (ППМИ) түмүктүүр куоластааһын мунньаҕа ыытылынна.
ППМИ куоластааһыҥҥа 793 киһи көхтөөх кыттыыны ылла. Хас биирдии бырайыак туһунан сиһилии кэпсээтилэр. Нэһилиэнньэ бу бырайыактартан, бэйэтэ куоластаан талла: П.Татаринова, Энергетиков, Малая, Дальняя, Таежная, Озерная, Чэбдик, Луговая, Чаҕылҕан-Сосновая уулуссаларга суол өрөмүөнэ, кладбище өрөмүөнэ, А.Парфенова уулуссаҕа тротуар оҥоруу; Кэскил, Сарыал, Н. Асекритова, И.Корякина, Чэбдик, Солнечная уулуссалар уоттарын оҥоруу.
Онон куоластааһыҥҥа кыайбыт үс бырайыак салгыы өрөспүүбүлүкэҕэ ППМИ куоҥкуруһугар кыттыыны ылары ситистэ:
1.Чаҕылҕан-Сосновая уулусса өрөмүөнэ (185 куолас)
2.А.Парфенова уулуссаҕа тротуар оҥоруу (162)
3. Кэскил, Сарыал, Н.Асекритова, И.Корякина, Чэбдик, Солнечная уулуссаларга уот тардыыта (136).
Бэрдьигэстээх нэһилиэгин дьаһалтата көхтөөхтүк кыттыбыт дьоҥҥо улахан махталларын тириэрдэллэр. ППМИ-га олохтоох дьон санаана сүрүн суолталаах буолар.
Бэрдьигэстээх нэһилиэгин дьаһалтатын хаартыската